بُرجِ بابِل
بُرجِ بابِل کے بارے میں تُو نے سنا؟
بُرج کی سب سے اُوپر کی منزل کے بارے میں تُو نے سنا؟
مجھ سے کلیدانوں، کاہنوں نے کہا
بُرج کی سب سے اُوپر کی منزل میں
اک تخت خوابِ قداست ہے
جس پر خداوند آرام فرما رہا ہے
خداوند اُن کا خدا
حضرتِ اقدسِ کبریا
اور سر تا سرِ ارضِ بابِل میں یعقوب کے مرد و زن
جاں کنی کی اذیت میں
زندہ رکھے جا رہے ہیں
یہی اُن کو مقسوم تھا
اور ازل سے خداوند آسودہ ہے
No comments:
Post a Comment